ब्रेकिंग

शैक्षणिक

नीट युजी परीक्षेचा निकाल कृषांग जोशी राज्यात पहिला

Wrutuja pandharpure
15 Jun 2025

नवी दिल्ली : वैद्यकीय प्रवेशासाठी घेण्यात आलेल्या नीट युजी परीक्षेत महाराष्ट्रातून कृषांग जोशीने प्रथम क्रमांक तर दहावा क्रमांक आरव अग्रवालने पटकाविला आहे. देशात प्रथम क्रमांक राजस्तानच्या महेश कुमारने पटकाविला आहे. राष्ट्रीय चाचणी संस्थेने (एनटीए) शनिवारी नीट युजी परीक्षा २०२५ चा निकाल जाहीर केला. राजस्तानमधील हनुमानगड येथील महेश केसवानीने देशात पहिला क्रमांक पटकावला आहे. त्याला ७२० पैकी ६८६ गुण मिळाले आहेत. महाराष्ट्रातून कृषांग जोशीने प्रथम येण्याचा मान मिळवला आहे.

आरव अग्रवालने सुद्धा पहिल्या दहा क्रमांकांत स्थान मिळवले आहे. इंदोरमधील उत्कर्ष अवधिया दुसर्‍या क्रमांकावर आहे. पहिल्या दहामध्ये राजस्तानमधील चार विद्यार्थ्यांचा समावेश आहे. त्यापैकी तीन विद्यार्थी कोटा येथील आहेत. ४ मे रोजी देशभरातील पाच हजारांहून अधिक केंद्रांवर परीक्षा घेण्यात आली होती. उत्तीर्ण विद्यार्थ्यांना वैद्यकीय महाविद्यालयांमध्ये एमबीबीएस अभ्यासक्रमांमध्ये थेट प्रवेश मिळेल.

पहिले दहा विद्यार्थी

महेश कुमार, राजस्तान

उत्कर्ष अवधिया, मध्य प्रदेश

कृशांग जोशी, महाराष्ट्र

मृणाल किशोर झा, दिल्ली

अविका अग्रवाल, दिल्ली

जेनिल विनोदभाई भयानी, गुजरात

केशव मित्तल, पंजाब

झा भव्य चिराग, गुजरात

हर्ष केदावत, दिल्ली

आरव अग्रवाल, महाराष्ट्र